Kiinami akerliussutsimik takutitsisut eqqissiviilliorput
Kiinap kippasinnerusortaani inuppassuit peqataaffigisaannik akerliussutsimik takutitsinerit muslimit Kiinamiullu politiivisa sakkortuumik akersuunnerannik ullumi kinguneqarpoq.
Allattoq Elisa Isaksen
juulip 06-at 2009 07:40
Akersuunnermi 140-t toqutaapput 800-llu ikilerneqarlutik. Pisortat tusagassiorfiat Xinhua nalunaarpoq, toqutaasut suli amerliartortut.
Kiinamiut naalakkersuisuisa Kiinami muslimit Uighurerne, Kiinamiunut nunap immikkoortuani Xinjiang-imi amerlanerussuteqartunut saassussisuunerarlugit pisuutippaat.
Kiinami Uighurerne, muslimiusut 8 millioninik amerlassuseqarput.
Nutaarsiassaqartitsivik Xinghua nalunaarpoq, akerliussutsimik takutitsisut savinnik, ujaqqanik anaattanillu sakkoqarlutik biilit pisiniarfiillu aserorteriffigigaat, sakkutuunullu isumanaatsuutitsiniartunut saassussisarlutik.
BBC-p ilanngutassiortuata oqaatigaa, nunap ilaani tamaani Xingjiangimi innuttaaasut assigiinngitsut marluusut taakkua ukiorpassuarni aaqqiagiinngittuarsimasut.
