Kigutit nakorsaat sapiitsuliortoq politiinit nersorniarneqartoq

Kigutit nakorsaat Jason Nystrup, ilaquttaminit ikinngutiminiillu Nuummi politeeqarfimmi ippassaq sisamanngornermi qatserneqarpoq. Nuummi politiit Facebookikkut taama allaaserisaqarput.
Jason Nystrupip nersorniarneqarnerani diplomimik tunineqarpoq, diplomilu aamma aningaasartaqarluni. Assi © : Grønlands Politi
Allattoq Karsten Sommer
marsip 06-at 2020 06:44
Nutserisoq Mads Lynge

Jason Nystrupip Nuummi Nuussuarmi Brugseni Nataliemi siorna decembarip ulluisa 28-anni immikkuullarissumik iliuuseqarnera qatserneqarneranut pissutaavoq.

Jason Nystrup iliuuseqarsimanngikkaluaruni pisoq annilaarnartumik kingunerlussimassagaluartoq politiit oqaatigaat.

Jason Nystrup paninilu pisiniarfileritillutik angutip pisiniarfimmi vagtiusoq tassanngaannaq saassussimavaa.

Taamaammat Jasonip panini pisiniamut allamut tunniuppaa, saasssussisumullu saalluni.

Jason Nystrupip angut saassussisoq natermut uppiseriarlugu aalajangersimavaa politiillu takkunnissaasa tungaannut, isumannaattumillu iperarneqarnissaata tungaanut paaralugu.

Jason Nystrupip immikkut iliuuseqarnera tunuliaqutigalugu politiiniit nersornaaserneqarpoq.

Jason Nystrupip immikkuullarissumik iliuuseqarnini politiit qujassuteqarfigaat, ataatsimut toqqissisimatitsimanera pissutaalluni qujaniarfigeqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq