Kigutigissarnissat eqqaamallugu
Radioaviisimi tusarnaartut suli paasisimanngippassuk, oqaatigeqqissinnaavarput ullumikkut ulloq tassaammat Nunatsinni kigutigissarnerup Ullua – aamma ilanngullugu oqaatigisinnaavarput nunarsuatsinni kisiartaalluta ullormik taamaattumik pilersitsisimagatta.
Allattoq Louise M. Kleemann
apriilip 17-at 2008 13:30
Ukiormanna meeqqat mikinerit immikkut sammineqarput. Taamaattorli – Radioaviisip naalernerani – kigutinik paarsilluarnissamut innersuussutit sisamat uteqqilaassavavut, taakkumi aamma uatsinnut inersimasunut tunngasuupput:
Ullaakkut unnukkullu kigutigissarluartarit. Kigutigissaleraangavit meeqqavit ikiortarsinnaavaatit.
Kigutinut qaqorsaat flouritaqarluartoq atortaruk.
Pingaarnerpaatullu: mamakujuit sodavandillu pinaveersaakkit.
Kigutigissartarnissamik ajoqersuussereerluta, siunnersuutigiinnassavarput, aappaagu kigutigissarnerup ulloqaqqinnissaata tungaanut kigutitta paarilluarnissaannik neriorsoqatigiissasugut.
