Kigutigissaasoq: Tandtrådi tapertaralugu atorneqarnerusariaqarpoq
Meerarpassuit inuusuttorpassuillu ullut tamarluinnangajaasa sodavanditortarput, kigullunnermillu kinguneqarsinnaavoq.
- Kigutigissartarnissaq soorunami pingaaruteqarpoq, Nuummi Nuussuarmi kigutigissaasoq Marie Motzfeldt oqarpoq, tamatigorluinnangajalli puigorneqartartoq tassaavoq tandtrådi, kigutigissaasoq oqarpoq:
- Sodavandit simertakkat kigutinut qanoq sunniuteqartarnersut amerlanerit nalunngilaat, kisianni sodavandit simeqqinneqarsinnaasut kigutinut sunniutigisinnaasaat qanoq annertutiginersut inuusuttut nalusarpaat. Kigutit akorngini putorpassuaqarsinnaassarpoq, tandtrådimillu atuinngikkaanni tamakka anguneqarneq ajorput, Nuummi Nuussuarmi kigutileriffimmi kigutigissaasoq Marie Motzfeldt oqarpoq.
Meeqqat inuusuttullu nunatsinniittut peqqissusaat 1994-imiit ukioq 2002 ilanngullugu misissuiffigineqarput, inuusuttullu 36 procentii ullut tamaasa sodavanditortartut misissuinermi paasineqarpoq.