Kiffiutissat akikinnerit pillugit misissuisoqarpoq

Nunatsinnut assartuinermi akit qaffasippallaaqimmata skumbetoni kiffiutissanit mineraluldinit 40 procentimik akikinnerusoq atorneqarsinnaasoq DTU-mi ilisimatusartut misissuinerisa takutippaat.
Allattoq Najaaraq Egede
juulip 04-at 2011 05:36

Skumbetoni - cementi qapuusanngortitarlu alla akuleriissillugit illuni oqorsaatitut atorneqarsinnaanersoq DTU-mi ukiuni arlalinni misilerarneqarpoq.

Ilisimatusarnerup takutippaa aningaasartorpallaanngikkaluarluni mineraluldip oqorsaasinnaassusiata affaanik pitsaassusilimmik skumbetoniliortoqarsinnaasoq.

Mineraluld - imusarsuanngorluni Danmarkimi assartorneqartartoq, Kalaallit Nunaannut nassiunneqaraangami kubikmeterimut 1.128 koruuneqartarpoq, skumbetoniliassarli inikinnerungaartoq mineralulditulli oqorsinnaassusilik nassiunneqaruni kubikmeterimut 672 koruuneqassalluni.

Kalaallit Nunaanni Rambøllimi ingeniørit ilaata Jørn A. Thomsenip, Sisimiuniittup naatsorsuinerit soqutiginartissinnaagaluarlugit mianersorfissaqarnerarpaa. Skumbetoniliammi issittumi qanoq ilillutik manngertissanersut suli akineqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq