Kiffaq-konto Danmarkimi aamma atorneqarsinnaavoq
- Kalaallit Nunaat qaangiinnarluta torrallataanerusumik isumassarsivoq, Torben M. Andersen DR-imi P1-imut oqarpoq.
Taassuma taama aaqqissuussineq naalagaaniarnertut taaneqarsinnaasorinngilaa, isumaqarlunili, taama aaqqissuussinikkut akiligassarpassuit akilersorniarnerat, ajornakusoortaqisoq, iliuuseqarfigineqarsinnaasoq.
- Taamaaliornikkut aningaasaatinik aqutsineq pitsaasoq anguneqarsinnaavoq, aamma aningaasaatinik pilersaarusiornermut pitsaanerusumik tunngaviusinnaalluni, Torben M. Andersen oqarpoq.
Agguaqatigiissillugu qallunaap ataatsip akiligassaanit quleriaammik amerlanerusunik kalaaleq akiligassaqartarpoq.
Siunnersuut suli atuutilersinneqanngilaq, taamaattorli aningaasaqarnermut naalakkersuisup, Maliina Abelsenip, siunnersuut soqutiginartippaa.
Taanna Radioaviisimut ippassaq oqarpoq, Kiffaq-konto naalagaaniarnertut oqaatigineqarsinnaanngitsoq, pisortanulli akiitsunik akiliisitsiniarnermut atorneqarsinnaasoq pitsaasoq.