"Kiffaanngissuseqarnerit Suaarutiguuk"

Erinarsortartoq Islandimiu Björk sapaatiummat Kinami illoqarfissuarmi Shanghaimi tusarnaartitsisilluni kissaammersitsisimaqaaq.
Allattoq Elisa Isaksen
marsip 04-at 2008 17:24

1950-imi Kinap naalagaaffimmik Tibetimik tiguaanera uparuarlugu erinarsorsimavoq: ”Tibet, Tibet makigit”, erinarsukkamini taasamini: ”Kiffaanngissuseqarnerit Suaarutiguuk”. Tusarnaartut ilaat ajuallallutik erinarsukkamut akerliuniarlutik anialersimapput.

Nunarsuarmioqatigiit Kinap Tibetimik tiguaasimanera eqqaasarpaat, nipituuliutigissanaguli.

Aasaru Kinami nunarsuarmioqatigiit arajutsisinnaanngisaannik illoqarfiit pingaarnersaanni Beijingimi OLeqarnissaq sioqqullugu Björk erinarsornermigut Kinami aalassatsitseqaaq.

Sapaatip akunnerata siuliani erinarsuut taannarpiaq erinarsoramiuk Europami naalagaaffeeranngorlaamut Kosovamut pigitippaa.

Björkip erinarsuusiani ”Kiffaangissuseqarnerit Suaarutiguuk” nunatsinnut Savalimmiunullu pigitillugu erinarsuusiaraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq