Kielsen saqqummiusserusunngitsoq

Nunatsinni Naalakkersuisunut siulittaasuulersussaagunartup Kim Kielsenip Naalakkersuisunngortussat kingusinnerusukkut aatsaat saqqummiutissavai. Tassami Qinigaanerup misilinneqarnissaanut ataatsimiitsitaliaagallartup Naalakkersuisunngortussat arlaatigut pinerlussimanersut assigisaannillu misissuiffigeqqaassavaat. 

AAMMA ATUARUK Ataatsimiititaliaagallartup Inatsisartuni ilaasortat misissuiffigigai

Kim Kielsen tallimanngornermi Qanoruumut taama oqarpoq. 

- Inatsisartunngortussat allatigullu suli tamakkiisumik akuerineqarnikuunngillat, uani sapaatip akunnerata tulliani tamakkua akuerineqartussaassapput misissorneqaqqaartaramik arlaatigut pinerlussimaneranik tunngatillugu uppernarsaatit naammasseqqaartussaammata siulittaasoqarfimmullu tamakkua ingerlateqqinneqassallutik, Kim Kielsen oqarpoq.

- Tamanna pillugu arlaata pakatsisinnginnissaa pillugu avammut suli nalunaarutiginngilagut, Siumumi siulittaasoq oqarpoq

AAMMA ATUARUK Sunniuteqarluarsinnaanissartik nuannaarutigaat

AAMMA ATUARUK Siulittaasut nuannaartut naalakkersuisooqatigiinnissamut atsiortut