Kiattup anorersuata Kinamiut millionit qimaatippai
- Anorersuarujussuup Morakot-ip Kinap kangimut sineriaani qeqertaq Taiwan aqqusaarpaa inuillu ikinnerpaamik pingasut ajunaarlutik, 30-nillu amerlanerusut maqaasineqarlutik. Taiwanimi qarsutsinersuaq ukiut 50-it ingerlaneranni aatsaat taama annertutigaaq, tassami imaq 2½ meterinik
ulissimammat taamalu aqquserngit ikaartarfiillu aserorterlugit. Morakot-ip Kina aqqusaarmagu anorersuarujussuaq sekuntimut meterinik 33-nik sakkortussuseqarpoq, kiattullu anorersuarujussuata taassuma orpit sorlaat ilanngullugit uppitittarsimavai illullu 2000-t missaanniittut aserorluinnarlugit. Anorersuarujussuup eqqugarinerpaasaani annaassiniartut oqaluttuarput orpiit kaarfi imaaniit nuisasut kisiisa takusinnaallugit. Tamatuma peqatigisaanik Japan aamma anorersuarmit nalaanneqarpoq, mannalu tikillugu inuit qulingiluat ajunaarsimallutik, Japanillu kitaani qarsutsinersuaqarlunilu nuna sisoortarsimalluni. Morakot Kina aqqusaarlugu ingerlaarpoq sakkukilliartorlunili. Kiattup anorersui Asiap ilaani tamaani julimiit septemberimullu nalinginnaagajupput.
Anorersuarujussuaq sakkukilliartulerpoq, maannalu kiattup anorersuatut sakkortutigiinnalerluni. DR-imit Mathilde Kimerip ilanngutassiaa Holger P. Petersenimit kalaallisuunngortinneqarpoq.
