Kenyami inuppassuit toqutaapput
januaarip 07-at 2008 10:40
Kenyami eqqissiviilliortoqarnerata kinguneranik toqutaasut manna tikillugu 600-nik amerlassuseqartut, Kenyap naalagaaffiata avammut nalunaarutigisimavaa.
- Minnerpaamik 600-t toqutaapput, toqungasut timaat orpippassuit ilorpasissuani suli nassaarineqartarput, taama takunnittut ilaat oqarsimanerarneqarpoq.
Toqutaasorpassuit pillugit FN naliliivoq tamanna inuiannik nungusaanermut assersuunneqarsinnaasoq.
Decembarip 27-iani præsidentimut inatsisartunullu Kenyami qinersisoqalermalli Kenyamiorpassuit 250.000-t angerlarsimaffianniit qimaatinneqarput.
Oqaatigineqarporlu præsidentissatut qinigaasoq Mwai Kibaki illuatungiuliuttullu præsidentinngorniunnermi sassartitaat Raila Odinga suli ataatsimeeqatigiinngitsut.
