Præsidentip pisoq ”oqaluttuarisaanermut” pingaaruteqarnerarpaa, USA-llu tamatumani ingerlaaqataannginnera isornartorsiorlugu.
- Ruslandip akuutissartalinnik sakkuusivianit sakkussiaq kingulleq ullumi nunguterneqartussanngorpoq, Putin TV-kkut aallakaatitami oqarpoq.
- Sovjetimi sakkutuunut sakkussaasivissuup qanoq angitiginera eqqarsaatigigaanni tamanna oqaluttuarisaanermut pingaaruteqarpoq. Ilisimatuut naapertorlugit sakkussiat akuutissartallit pigisimasagut nunarsuarmi uumassusilinnik tamanik nungutitsisinnaagaluarput, Putin oqarpoq.
Sakkussiat akuutissallit inerteqqutigineranut
kattuffiup russit aalajangiinerat ilassilluarpaa pisorlu pingaartuunerarlugu.
- Tamanna siuariangaatsiarneruvoq. Nunarsuarmilu naligiissitsinerulerluni isumannaannerulersitsivoq, Putin oqarpoq nangilluni USA-p aamma taamaaliornissaa neriuutigisimagaluarnerarlugu.
ritzau/AFP
