Katuaq ilaqutariinnut Qooqquni festivalertitsilersoq
Suleqatigiiaartoqarluni assigiinngitsunik timersortoqassaaq, qajartortoqarluni, oqilaniuuttoqarluni pisissaartoqarlunilu. Tamatuminnga Katuaq aaqqissuisuuvoq.
Suleqatigiiaarluni aamma ujaqqerisoqassaaq, eqqumiitsuliortoqarluni, aammalu aqaatinik meeqqallu erinarsuutaannik appisimaartoqartassalluni.
Appisimaartussarpassuit
Festivalertoqarnerani nipilersortartut arlallit appisimaassapput. Soorlu Qaqortumeersoq Nikolaj Lønstrup, Jenseeraq, Dida, Ilulissaneersullu Maalia aamma Juuna.
Aaqqissuisut aammattaaq neriorsuipput quisaarisartut Maalia aamma Rosa illartitsiumaartut.
Qooqquni festivalertitsineq imigassartaqanngilaq akeqaranilu. Septembarip aqqarnganniit sapaammi 13-iata tungaanut ingerlanneqassaaq, peqataasullu sapaammi ullaakkut 2 kilometerinut arpatinnerisigut naggaserneqassalluni.
