Katuaq aningaasaliiffigineqarpoq
Air Greenland Katuamut tapiisartuni pingaarnertut inissisimaannassaaq, taamaattorli Royal Arctic Line, Grønlandsbanken, Deloitte, KNB aamma Bank Nordik kulturikkut aaqqissuussinernut ukiuni pingasuni aningaasalersueqataanissaannik isumaqatigiissuteqarfigineqarput.
Katuamut maannamut aningaasaliisartut ingerlaannartussat tassaapput Namminersorlutik Oqartussat, Kommuneqarfik Sermersooq, Nunafonden aamma NAPA.
- Kulturi tamatsinnut misigisanik nuannersunik tunniussisarpoq, suliffeqarfiillu tapiinermikkut kulturimik siuarsaanermut peqataarusunnertik takutippaat. Arlaliulluni kivitseqatigiinneq naammassisanik amerlanerusunik kinguneqartarpoq, tamannalu pisariaqartipparput, Katuap pisortaa Julia Pars oqarpoq.
Katuaq nipilersornernik ukiumut 50-t missaanniittunik, isiginnaartitsinernik qulit missaanniittunik, saqqummersitsinernik aqqaneq marlunnik oqalugiartitsinernillu 15-t missaanniittunik ukiumut aaqqissuussisarpoq.
