Kattusseqatigiit, Aalisartut Piniartullu partiiat Folketingimut qinigassanngortitaqarnianngillat

Partip allattaanera Karl Frederiksen radioavisimut oqarpoq Kattusseqatigiit partiia nalilersuilluareerluni aalajangertoq, Kalaallit Nunaata inatsisartuini sulineq kiisalu kommunit kattussuunnissaat pillugu suliaq pingaarnerutillugit parti suliniartoq taamaattumillu folketingi tunulliunneqarallartoq. – Imaanngilaq sassartitassaaleqitta aalajangerpugulli nukigut Kalaallit Nunaanni atorniarlugit, Karl Frederiksen oqarpoq.

Aalisartut Piniartullu partiiat Folketingimut aamma sassartitsissanngilaq. Leif Fontain oqarpoq partip sassarsinnaanngornissaanut atsiornerit 933-t ataasinngornerutinnagu pissarsiarisinnaanagit paasigamikku Folketingimut sassarniaratik aalajangersimallutik. – Angumersinngitsoornerput akueraarput inatsisartunulli qinersilerutta sassarumaarpugut, Leif Fontain oqarpoq.