Katti Frederiksen kultureqarnermut ilinniartitaanermullu naalakkersuisunngortoq

Katti Frederiksen kultureqarnermut ilinniartitaanermullu naalakkersuisunngorpoq.

Taanna Inatsisartuni Naalakkersuisuniluunniit ilaasortaanngikkaluartorpoq – Kim Kielsenimilli (S) kultureqarnermut naalakkersuisunngortussatut innersuunneqarpoq.

Katti Frederiksen Siumut sinnerlugu naalakkersuisunut ilaasortaassaaq.

Inatsisartuni ilaasortat 16-it Katti Frederiksenip naalakkersuisunngornissaa akueraat – aqqaneq-marluk akerliunatillu akuersinngillat.

Ane Lone Bagger kultureqarnermut ilinniartitaanermullu naalakkersuisuumminit juulip ulluisa 31-anni tunuarpoq. Ane Lone Baggerip uippakajaarnini pissutigalugu ulluni 14-ini sulinngiffeqaqqaarpoq. Naalakkersuisunullu uteqqikkami sivikitsuinnarmik utersimalluni.

Taassuma tunuarneranit Karl Frederik Danielsenip ineqarnermut attaveqatigiinnermullu naalakkersuisuunermi saniatigut kultureqarnermut ilinniartitaanermullu taartaagallarpoq.

Katti Frederiksen Suka K. Frederiksenip namminiilivinnissamut, nunanut allanut tunngasunut nunalerinermullu 2017-imi naalakkersuisunngortup panigaa.

Suka K. Frederiksen Inatsisartunut 2014-imi qinigaasoq ukioq manna 55-inik ukioqarluni kræftimik toqquteqarpoq.