Kashmirimi arnanik saassussilluni perlarnerinik killuisoqartoq
- Paaserusupparput kikkut taamaaliortuunersut. Politiit, sakkutuut imaluunniit sakkutuujunngitsut, saassunneqarsimasut ilaat oqarpoq.
Politiilli sulianut tunngasuni pasisaqanngillat, arnammi saaffiginnittut siulliit salluliortutut, takorruuisutut ajoquteqartutullu isigineqarlutik sullikkumaneqarsimanngillat.
Qaammatilli matuma ingerlanerani hundredit sinneqartut saaffiginnereersullu pisortat pisoq ilungersuutilerpaat.
Angutit inuusuttut hundredit arlallit savilisartut, qisunnik saviminernillu anaatalisarlutik unnuakkut aqqusinerni saassusseqqissinnaasunut sillimanialersimapput.
Politiilli pasisaqanngillat, uppernarsaatissaqaratik taamaaliornerannullu peqqutaasinnaasunik ilisimasaqaratik.
Indiami tamatumunnga assingusunik siusinnerusukkut Haryanami Pradeshimilu pisoqartareersimavoq.
/ritzau/
