Karrit pillugit isumaqatigiissuteqarnikkut Ukraine karrinik annertoorujussuarnik avammut tuniniaasinnaasimavoq Ukrainemi umiarsualiviit atorlugitAssi: Yasin Akgul/Ritzau Scanpix

Karrit pillugit Ukrainemik isumaqatigiissut Ruslandip atorunnnaarsikkaa

Ukraine Ruslandimik isumaqatigiissuteqarnermigut karrinik umiarsuarnik avammut aggustimili assartuisinnaasimavoq.

Ruslandip karrinik Ukrainep umiarsualiviinit avammut tunisassiortarnerminik isumaqatigiissut atorunnarsippaa.

Tamatumunnga pissutaatinneqarpoq umiarsuit Krimip eqqaaniittut saassunneqarmata.

Russit illersornissamut minsitereqarfiat taama paasissutiissiisoq, nutaarsiassaqartitsiviup Tassip allaaseraa

Ministereqarfimmit nalunaarutigineqartoq naapertorlugu, illoqarfimmi umiarsualiveqarfiusumi Krimip qeqertaasaanitumi Sevastopolimi umiarsuarnut sorsuutinut arfininngornermi peqqarniisaarniarluni saassussisoqarsimavoq.

Saassussisoqarsimaneranik oqarneq, Ruslandimit oqaatigineqartut naapertorlugit, karrit avammut assartorneqarnissaannt umiarsuit isumannallisaasussat saassunneqarsimmapput.

Ukraine saassussisuunerarlugu Ruslandimit pisuutinneqarpoq.

Ukraine saasussisuunnginerarpoq.

Ukrainemiut præsidentiata siunnersortaaata Rusland qunusaarisuunerarpaa, Ruslandilu nammineerluni saassussisuusoq isumaqatigiissutip atorunnaarnissaa patsisiliullugu.

Naalagaaffiit Peqatigiinni oqaaseqartartoq Stephane Dujarric oqarpoq, isumaqatigiissutip ataannarnissaa pingaaruteqartuusoq, nunarsuarmi tamarmi inuit milliuunilikkaat nerisassaqarnerannut ajunngitsunik sunniuteqarmat.

.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl