Karl-Kristian Krusep Siumumi siulittaasunngorniarnissaq isumaliutigaa

Siumup siulittaasuata tullia Karl-Kristian Kruse partiimi siulittaasutut sassarnissani isumaliutigaa. Karl-Kristian Kruse Sermitsiaq.AG-mut taama oqarpoq:

- Piareersimaffigiuaannarpara siulittaasunngorsinnaaneq. Politikkikkut siulittaasutut tulliatut atuunnerma malitsigisaanik pisussaaffeqartitaavunga sillimassallunga. Taamaattoq inuuneq nalunaqaaq, siulittaasup peqqiilliortarnera sillimaffigiuaannavinnikuuara. Kisianni takussavara, ataatsimeersuarnissamut suli qaammaterpaaluupput, Karl-Kristian Kruse Sermitsiaq.AG-mut oqarpoq.

AAMMA ATUARUK Politikkikkut naliliisartoq: Siumumi suli eqqissiviilliortoqarpoq

Siumut aappaagu ataatsimeersuartussaavoq, maannalu siulittaasup Kim Kielsenip, siulittaasutut qinigassanngorteqqinnginniarnini nalunaarutigereerpaa, kinalu partiimi siulittaasunngussanersoq oqallisigineqaleruttorluni.

- Isumaliutit peqqinnerlu peqqutaallutik suli aalajangivinngilanga qinigassanngortissanerlunga. Kisianni eqqarsaatinni kaavitserujoorpara qanoq periarfissat innersut, Karl-Kristian Kruse Sermitsiaq.AG-mut oqarpoq.

Taassuma siulittaasutut sassarnissamut parteeqatiminit kaammattorneqarnini malugisimallugu aviisimut oqaatigaa.