Isiginnaartitseqattaarneq iluatsilluinnarpoq Silamiullu oqaluttuarisaaneranut immikkut isigisariaqarpoq.
Aaqqissueqataasoq isiginnaartitseqataasorlu Makkak Kleist oqarpoq.
- Inuit takkulluartartorujussuugamik isiginnaartitsinitsinnut nuannaarlutillu, taavalu assorsuaq iluasaarneqartarluta assut nuannerpoq angalanerput takisoorujussuugaluaq februarip 27-anili aallaratta tassa ullumikkut naggataarpugut 49-riarluta isiginnaartitsilluta 8700 missaat isiginnaarput.
Makka Kleist oqarpoq. Taasumap maluginiarpaa sineriammi innutaasut isiginnaartitsinernut qiittut.
- Qilapput! Taamatut oqaannaraanni.
Angalanerput akisoorujussuugaluartoq soorunalimi akisoorujussuugaluaq amerlasuunik aningaasatigut tapersersorneqariaratta piviusunngortissinnaasimavarput, aamma PAARISA-kkunninngaanniit aningaasanik periaratta taamaalilluta nunarput tamakkerlugu takutitsisaqattaarsinnaalluta.
Makkak Kleist Miki Fencker Thomsen-innilu isiginnaagassiami inuttaapput. Kangerlussuarmilu aqagu 50-issaa isiginnaartitsinissaraluat pinngitsoorpoq Islandimi qaqqap innermik anitsisup arsakui angallannermut eqquinerlummata.
Isiginnaartitsineq kigutinik paarsinerulernermik kinguneqarumaarpoq neriuutigineqarpoq.
- malunnarami angalanitsinni meerartagut inuusuttagullu assorujussuaq mamakujuttorput, assorujussuarlu sodavandituullutik.
Oqarfigerusulluginukua naamik ajorpoq! Sussaanngilaq! Kalaalimininnguanik! Imermillu imertassuusi!
Karius Baktusillu illoqarfiit nunarfiillu 17-it isiginnaartitsiffigaat.