Karen M. Lynge borgmesteriugallassaaq
Karen M. Lynge-p, Nuup Kommuniani borgmesterip tulliata aappaatut toqqarneqaqqammersup, borgmesterip ujamia aqagu atorsinnaalissaavaa. Borgmesteri Nikolaj Heinrich Illoqqortoormiuni maanna angalammat Karen M. Lynge borgmesteriugallassalluni.
Allattoq Louise M. Kleemann
Per Berthelsen borgmesterip tulliata aappaatut inissisimagaluarpoq, aningaasaqarnermulli naalakkersuisunngornini pissutigalugu borgmesterip tulliata aappaatut tunuarallarluni.
Malînànguaq Markussen Mølgaard borgmesterip tulliatut siullertut inissisimavoq, Karen M. Lyngelu oktobarip 17-iata tungaanut Nuummi borgmesteriugallassaaq, ullormi taanna Nikolaj Heinrich Illoqqortoormiuninngaanniit Nuummut utissaaq.