Karen Ellemann: Sillimaneq annertunerusariaqanngilaq
- Kalaallit Nunaanni Danmarkimisulli ajutoorujussuarnissamut sillimaneq pillugu piumasaqaatit assigiittut qularutiginngilara, taamaattumik maani Kalaallit Nunaanni sillimaniarnerup pitsaasuunera qularinngilara. Karen Ellemann oqarpoq.
Mexicop kangerliumarngani uuliamik maqisoornerup kingorna maani aarleqquteqartoqalernera Karen Ellemannip miserratiginngilaa. Taamaattumik naqissuserpaa maani oqartussaasut uuliasiortussanut qanoq piumasaqaateqassanerlutik.
- Maani aarleqquteqartoqarpoq, aarleqquteqartoqarneralu minnerulinngilaq Mexicop kangerliumarngani ajutoornerup kingorna. Taamaattumi massakkut pisariaqarpoq ilisimariissallugu sillimaniarneq qanoq ittoq atuuttuunersoq ammalu sillimaniarneq annertoorujussuusoq. Pisariaqarporlu ammasumik tamassuma oqallisiginissaa. Karen Ellemann naggasiivoq.
