Kapisilinniarneq aggustip aallaqqaataani aallartissaaq

Kapisilinniarneq aggustip aallaqqaataani aallartissaaq, taamatut tusagassiuutinut nalunaaruteqarpoq Aalisarnermut Piniarnermut Nunalerinermullu Pisortaqarfik.

Ukioq manna siornatut Naalakkersuisut aalajangerput nammineq atorfissaqartitanik kapisilinniarnermik taaneqartartumut kiisalu – inuussutissarsiutigalugu aalisartunut – kalaalimineerniarfinni najukkanilu suliffeqarfinni, assersuutigalugu napparsimmavinni, akunnittarfinni, sutorniartarfinni, atuarfeqarfinni allanilu tunisassanik kapisilinniarnissaq akuerineqartoq.

Erseqqissaatigineqarpoq kalaalimineerniarfinni najukkanilu sullissiveqarfinni kapisilinnik tuniniaanissaq siunertaralugu

aalisarnissaq akuersissummik piumasaqaateqarmat. Kapisilinniarnissamut akuersissut kommunimi qinnuteqaatigineqassaaq.

Tamatuma saniatigut aalisakkerivinnut kapisilinnik tunisisinnaaneq kiisalu kapisilinnik avammut nioqquteqarnissaq tamarmi inerteqqutaasoq aalisarnermut pisortaqarfimmit erseqqissarneqarpoq.

Kapisilinniarneq oktobarip ulluisa 31-anni unissaaq.