Kapisilinni ikuallattoqarnerani tigusarinnittoqartoq
Kapisilinni illuaraq tallimanngornerup unnukkuani aqqarnup qeqqartoq ikuallalerpoq. Kapisilinni qatserisartut innermik qamisaagaluarpuq ikuallatsitsisoqarsimaneranilli pasitsakkamik ikiortariaqarlutillu Nuummi qatserisartunut politiinullu kalerriipput.
Politiini pingaartoq Søren Bendtsen taama paasissutissiivoq.
- Najugaqartunit paasissutissat tunngavigalugit ikuallatsitsisoqarsimanera paasineqarpoq, oqarpoq.
Nuummi politiit Kapisilinni unnuaannaq angut tigusarisimagaat aamma oqaatigaa.
Politiit misissuinerat inatsisilerituullu inerniliinerat aallaavigalugu tigusarineqartoq eqqartuussivimmut sassartinneqassanersoq paasinarsissaaq.
Kapisilinni qatserisartut ikuallattumut qamisaagaluartut illuaraq nungulluni ikuallappoq.
Nanortalimmi aamma ikuallattoqartoq
Kapisilinni ikuallattup saniatigut Nanortalimmi arfininngornerup ullaassaani aamma ikuallattoqarpoq. Illumik ikuallattoqartoq politiit unnuaannaq marlup qeqqartoq nalunaarfigineqarput. Ikuallattoqarneranilu inunnik ajoqusertoqarsimanngitsoq misissuinerup takutippaa.
Illu qanoq ikuallalersimanersoq politiinit maanna misissuiffiginqarpoq.