KANUNUPE: Suliffiit malillugit nutserlik
Nunaqarfimmiut suliffiifissalimmut nuuttarnissaat isumaavoq ajunngitsuusoq, nunarfinniilluunniit illoqarfinnut nutsertoqaraluarpalluunniit. KANUNUPE-p siuklittaasua, Jens Kristian Therkelsen taama isumaqarpoq.
Allattoq Jens Thorin
aggustip 08-at 2008 13:42
Nunaqarfimmiut suliffissalinnut aningaasarsiorfiusinnaasunullu nooqqullugit Karl Lyberth-ip kaammattuutaa, nunaqarfiit peqatigiiffiata KANUNUPE-p siulittaasuata, Ikerasammeersup Jens Kristian Therkelsen-ip tapersersorpaa.
- Inuiaqatigiit akornatsinni suliffissaaleqineq peqqinnartuunngilaq. Taamammat suliffissaaleqigaannilu allamut nuulluni suliffittaarsinnaaneq periarfissaasariaqartoq, aamma uagut isumaqarpugut. Ilinniarluarsimasut nunaqarfinni suliffissaqanngitsillutik illoqarfinnut nuuttariaqartarput, tamannalu akornutissartaqanngilaq. Tassa ilinniarnerat inuiaqatigiit akilerpaat, taavalu ilinniarsimasut inuiaqatigiinnik sullississapput, suni najugaqarnertik aallaaviginagu, Jens Kristian Therkelsen oqarpoq.
