KANUKOKA-p allaffeqarfia Nuummiikkunnaassaaq
![](/sites/default/files/styles/image_934x467/public/article_images/kanukoka2_0.jpg?itok=RBt2PSP0)
KANUKOKA-p siulersuisuisa ullumi ataatsimeereerneranni aalajangerneqarpoq allaffeqarfik Nuummiittoq allamut nuunneqassasoq.
Siulersuisut ataatsimiinnerminni ataatsimiisitaliamik suligasuartussamik pilersitsipput, tassani ilaasortaallutik KANUKOKA-p pisortaa kommuninilu kommunaldirektørit pingasut, tassa Kommune Kujallermit, Qeqqata Kommunianit aamma Qaasuitsup Kommuniani pisortat.
Taakkulu suliakkerneqarput KANUKOKA-p allaffeqarfissua siunissami qanoq aaqqissuussaasumik ingerlanneqassanersoq aamma suliakkerneqarlutik allaffeqarfik illoqarfimmi sorlermi inissinneqassanersoq. Taama nalunaaruteqarpoq KANUKOKA-p siulittaasua, Palle Jerimiassen.
Nuummi allaffeqarfissuarmi sulisut maanna qulit missaanniittut nuunnissamut periarfissinneqassasut, siulittaasoq aamma oqarpoq
Ataatsimiititaliap suligasuartussap innersuussinissaa decembarip 31-at nallertinnagu siulersuisunit tiguneqareersimassasoq, Palle Jerimiassen KNR-imut aamma oqarpoq.