KANUKOKA-p allaffeqarfia aggulunneqassanngilaq
NUTARTERNEQARPOQ 15:42
KANUKOKA-p siulittaasua Palle Jeremiassen unammillerteqarani siulittaasumut qinigassangortittoq KANUKOKA-p siulittaasuatut qinerneqarpoq.
- KANUKOKA-p politikkikut allaffissornikkullu nuunneqarnissaanut nutaamillu ilusilersorneqarnissaa, KANUKOKA-mi aallartittat tamarmiusut isumaqatigiissutigaat, Palle Jerimiassen oqarpoq.
Ataatsimiinnermi angusarineqartut siulittaasutut ingerlaqqittup iluarisimaarpai.
Kommunit pingasut kommunit kattuffianni maanna ilaasortaasut, KANUKOKA nukittooq kissaatigaat, kommunit soqutigisaannik sullissisussaq, Palle Jerimiassen oqarpoq.
KANUKOKA-mi siulersuisunngortut 1 marts nallertinnagu aalajangissavaat, KANUKOKA-p allaffeqarfia kommunini pingasuni sorlermut nuunneqassanersoq, Kommuneqarfik Sermersuumit allamut nuunneqarnissaa aalajangiusimaneqarmat.
