Kommunit arfinillit piumasaqarnerat tunngavigalugu, KANUKOKA-mut aallartitat immikut ittumik ataatsimiisinneqalerput.
Immikkut ittumik ataatsimiinnissamik komuunit arfinillit piumasaqartut tassaapput; Nanortalik, Qaqortoq, Narsaq, Maniitsoq, Sisimiut Qasigiannguillu.
KANUKOKA-mi siulittaasup sulinera kommuninit taakkunannga naammagineqanngilaq, taamaammallu nutaamik siulittaasortaarnissaq piumasarineqarluni.
Kattuffiup siulersuisuisa siunnersuutigaat, ileqquusumik ataatsimiinnissami majip 22-ani 23-ianilu pisussami immikkut ittumik ataatsimiittoqassasoq.
Kattuffiup malittarisassai naapertorlugit kommunit ilaasortaasut ikinnerpaamik arfinillit piumasaqarpata immikkut ittumik ataatsimiittoqassasoq, taava immikkut ittumik ataatsimiittoqassaaq.
KANUKOKA-mi siulittaasoq Lars Karl Jensen tunuarniuteqarnissamik eqqarsaateqannginnerarpoq.