- Naatsorsuutigaara kommunerujussuit 2009-mi pilersinneqareerpata, taava kommunit namminneq kommunimi najukkaminni ilaasunik assartuinermik ingerlatsilersinnaanissaat, taama akissuteqarpoq Kim Kielsen Angallannermi Naalakkersuisoq.
Martha Labansen-ip KANUKOKA-mi pisortaanerup Kujataani Kommunit Suleqatigiiffianut apriilimi akissutimini taama nassuiaanera taamaalilluni ilumoornerarpaa. Taqqavani kommunit KANUKOKA saaffigigaluarpaat, ataatsimik sammiveqarluni angallannerup pitsaanerusumik iluarsiivigineqarnissannut ikiuuteqqullugu.
Kim Kielsen oqarpoq, Namminersornerullutik Oqartussani eqqartorneqaleruttortoq, akisussaaffiit suut kommuninut akisussaaffigitinneqalissanersut.
Martha Labansen–ip ilanngullugu kommuninut inassutigaa maannangaaq ataatsimik sammiveqarluni angallannerup taartissaanik, nunap sinnerani angallannermut ataqatigiissumik isumaliuteqaleqqullugit.
Namminersornerullutik Oqartussat Air Greenland-imik isumaqatisiissutaa januaarip aallaqqaataani 2011-mi atorunnaassaaq.
