Kannguttaatsuliortartut katsorsarneqarneq ajornerat oqallisigilerpaat
Neqeroorutaasinnaasutuillu tassaapput tarnip nakorsaanik oqaloqateqalaarneq iisartagamininnguillu.
Nunatsinni paarnaarussiviit pisortaanerat Peter Jyndevad Kristensen oqarpoq.
-Oqaatigilluaannarsinnaavara kinguaasiutitigut kannguttaatsuliortut pineqaatissinneqarsimasut katsorsarneqaneq ajormata, taakku ilaat tarnit nakorsaanni oqaloqatigineqarlutik iisartakkerneqarlutillu ikiorserneqarsinnaasaraluarput, kisiat naluneqanngilaq Kalaallit nunaanni tarnip pissusaannik ilisimasalinnik sulisussaaleqiffioqisoq, taamaammat immikkut kattorsarneqarsinnaasarsimanngillat.
Nunatsinni paarnaarussiviit pisortaanerat Peter Jyndevad Kristensen oqarpoq.
Parnaarussivimmik matoqqasumik sananermut atatillugu kinguaassiutitigut kannguttaatsuliorsimasunut kattorsaaveqarnissaa pinngitsoorneqarsinnaanngilaq.
- Matoqqasumik Nuummi parnaarussiviliulerpugut, tassungalu atatillugu Herstedvesterimi parnaarussat kalaallit nunaannut utertinneqassappata katsorssaaveqarnissaq sanioqqunneqarsinnaanngilaq.
Peter Jyndevad Kristensen oqarpoq.
Naalakkersuisut Siulittaasua Kuupik Kleist kinguaassiuutitigut atornerluisartut
katsorsarneqartalernissaat pillugu Katuap ikinngutinut inersuaaraani nalunaaqutaq 13.00 isumasioqatigiisitsissaaq.
