Kaniinat toqungasut ikummatissiarineqartalerput
Kaniinat nujuartat toqungasut Sverigimi ikummatissaliarineqartalersimapput.
Kikkaasunnguit tamakku 2000-it 3000-illu akornanniittut svenskit angerlarsimaffiini ukioq-manna kiassaalluarsimasut, aviisimi Svenska Dagbladimi allaaserineqarpoq.
Kaniinat Sverigemi illoqarfiit pingaarnersaanni Stockholmimi uumasutut akornutaasutut isigineqarput. Taamaammat illoqarfiup qeqqani angalaartut takuneqaraangamik ingerlaannaq aallaaneqartarput. Toqoreeraangamikkik qeritittarpaat, kingornalu ikummatissiaralugit.
- Assaassinnaajunnaarnikuuvavut, uatsinnullu inunnut kissassimaartitsisinnaappata pitsaanerpaavoq, uumasunit pisunit tunisassiorfimmi, Konveximi, pisortaq oqarpoq.
Kaniinat 6.000-it oqartussaasunit Stockholmimi siorna aallaaneqarput.