Kangimut aqqut aatsaat taama angallaffiutigaaq
Angallatit 34-nit ikinnerunngitsut ukioq-manna Kangimut Aqqutaatigoorsimapput, nioqqutissallu 820.000 tonsit aqqut taanna atorlugu assartorneqarsimallutik.
Assersuutigalugu taaneqarsinnaavoq angallatit sisamaannaat qaninnersiuillutik tassuunaqqullutik 2010-mi nunanut allamukarsimammata, nioqqutissat katillugit 111.000 tonsiinnaat assartorneqarsimallutik. Ruslandimi nutaarsiassaqartitsivimmi RIA Novostimi, tamanna allaaserineqarpoq.
Umiarsuaq uuliamik assartuussuaq, umiarsuarlu poortorsimanngitsunik assartuut, siullerpaamik aamma Kangianut Aqqutaatigoorput.
Immakkut aqqutit eqqarsaatigalugit, Kangianut Aqqutaatigoorneq Suezip ikerasaatigoornermit pingasoriaammik sivikinneruvoq.