Kangilinnguaniit allakkat kingulliit
Tamatuma kinguneranik postnormu 3930 Kangilinnguit oktobarip naanerani aamma atorunnaassaaq.
Postnormut Nunatsinni 1967-imi atuutilerput, mannali tassa 3930 atorunnaassaaq.
Postnormup taassuma kingullerpaamik atorneqarneranik - tassa 31.10.12-imik naqissusikkamik, frimærkenik katersisartut pissarserusuttarput.
Sakkutooqarfiup nuuttussaanera pissutigalugu, allakkat ullormik kingullermik naqissuserneqartussat Kangilinnguanut nassiunneqassanngillat. Allakkat ullormik kingullermik ullulerlugit naqissusertikkusunneqartut, uunga nassiunneqassapput: Filatelia, Postboks 121, 3913 Tasiilaq.
Allakkanilu taamaattuni, naqitsissutip 3930 Kangilinnguit atorneqarnissaa, erseqqissumik nalunaarneqartariaqarpoq.
Allakkat ullormik kingullermik naqissusertikkusunneqartut, pingasunngornermi oktobarip 31-anni tiguneqareersimassasut, Tele-Post-imit oqaatigineqarpoq.