Dansk Institut for Militære Studiami ilisimatuut marluk, Henrik Jedig Jørgensen aamma Jon Rahbek-Clemmensen, isumaqarput, Kangilinnguani Sakkutooqarfiup Nuummut nuunneqarnissaa isumassarsiatsialaasoq.
Kalaallit Nunaanni sakkutooqarfiup ukioq 2030-p tungaanut suliassai misissorneqareersullu nalunaarusiaq nutaaq taaguutilik "Hold hovedet koldt" saqqummersinneqareersorlu Sakkutooqarfiup Nuummut nuunneqarnissaa saqqummiunneqarpoq. Ilisimatuut tikkuarpaat, Kangilinnguani Sakkutooqarfik Politiillu ataatsimoorlutik annaassiniarnernut Nuummi allaffeqarfeqartariaqartut, nakkutilliineq taamaalilluni sunniuteqarnerusassammat, taavalu aningaasanik sipaarfiunerusinnaalluni.
Sakkutooqarfiup naatsorsuinera malillugu Kangilinnguani Sakkutooqarfiup qitiusumik allaffeqarfia Nuummut nuunneqaraluarpat 24,2 millioni koruunit ukiumut sipaarneqarsinnaassagaluarput.