Kangianut Aqqut aqqutigaat
Umiarsuit assartuutit nivattaassuarnik usillutik Korea kujallermiit Vladivostok aqqusaariarlugu tassanngaanniit Sibiria avannaqqullugu ingerlaarput. Hollandimi Rotterdamimut ingerlaqqissallutik.
Sullualummi sumiiffinni sikoqarnerpaani russit sikusiutaannik ikiorserneqarnermikkut Murmanskip kangiani 800 kilometerip missaanik ungasitsigisumi Karahavemi kuup Ob-ip akuaniittoq Novy Port, umiarsuit marluusut taakku sapaatip akunnerani kingullermi iluatsittumik tikippaat - taamaalilluni tyskit umiarsuisa marluusut nunani killerni aningaasarsiutigalugu umiarsuarnik assartuutini siullersaallutik Kangimut aqqut anigorpaat.
Tassanngaanniit Hollandimut aqqutaata sinnera sikoqanngilaq.
Tyskit umiarsuisa marluusut taakku Rusland avannaqqussimanngikkaluarunikku taava Aasia kujaqqullugu - Adenip kangerliumarna aqqutigalugu - Suezimi ikerasaliaq kiisalu Akullersuaq aqqusaarlugu Hollandimi Rotterdamimut ingerlaarsimassagaluarput. Aqqut 20.000 kilometerit missaanik isorartutigisoq aqqutigalugu.
Kangimut aqqut taamaallaat 14.000 kilometerinik isorartussuseqarpoq.
Taamaalilluni 6.000 kilometerit missaat aamma ullut unnuallu qulit sipaarneqarput - soorunami aamma orsussaq annertooq ileqqaarpaat.
