Kangia qiterlermi nalorninartut arlaqarput

Præsidentitut atorfini ernerminut tunniunniarnagu aamma nalunaarpoq.

Abdullah Saleh Yemenimi ukiuni 30-ni præsidentiuvoq. Yemen kangia qiterlermi nunat piitsuunersaraat.

Yemenimi innuttaasut pissaanermik tigumiartunut isumaqataannginnertik takutinniarlugu akerliussutsimik takutitsipput, soorlu aamma Tunesiami Egyptenimilu innuttaasut taamaaliortut.

Egyptenimi pissaanermik tigumiartut uppitinneqarsinnaappata, inuit kangia qiterlermiittut tamarmik imatut eqqarsarnissaat naatsorsutigineqarsinnavoq, Egyptenimi taamaaliorsinnaappata uagut aamma taamaaliorsinnaavugut, Jakob Skovgaard-Petersen Københavnip universitetiani professori oqarpoq.

Eqqissiviilliorniartut allamut saasarniarlugit misiliisoqarnissaa takussavarput, oqarpoq.

Kangiani qiterlermi kisermaassilluni naalakkersuisoqarfiusuni akerliussutsimik takutsisut naammagittaalliortullu sakkortuumik saassunneqartarnerat ilisimaneqarpoq.

Kisermaassillutik naalakkersuinermik tigumiartut maannakkut sakkortuumik saassusinissaat Jakob Skovgaard-Petersen-imit ilimagineqanngilaq.

Innutaasut akornanni allaanerusunik pisoqarpoq. Pikititsinerit aallartissimagaangata nakkaannartoqarusunneq ajorpoq.

Egyptenimiusut aamma Tunesiamiusut misigisimassapput, aqqusaagaasa assinginik iliussapput, Jakob Skovgaard-Petersen naliliivoq.

Kangiani qiterlermi qullersat arlaqartut nunaminni ataatatut imminnut isigipput, innuttaminnut isumaginnittuusimasutut imminnut naatsorsuuttut, kisermaassillutik naalakkersuisutut isiginnittaatsiminni sakkortuumik aqutsinertik pissussissamisuuginnartutut isigalugu.

- Tamaanilu ineriartornerup nassatarisaanik nunat eqqaamiorisat aqunneqarnerminnik allannguinissamik periarfissaqalertartut, Jakob Skovgaard-Petersen, Danmarkip Igitsinillu attaveqaqatigiinnermut Kairomi institutianni siornatigut pisortaasimasoq oqarpoq.