Kangersuatsiarmiut ilimaginngisaminnik oqallitsinneqartussanngorput

Augusta Salling, Atassummiit, Kuupik Kleist, Inuit Ataqatigiinniit aamma Jens B. Frederiksen, Demokraatiniit, Kangersutasiamut ullumi tikittussaammata Kangersuatsiarmiut oqallinnissamut ualeru nalunaaqutaq sisamanut qaaqqusaapput.

- Politikerit taakku pingasut Upernavimmi innuttaasunit ornigarneqarluaqisumik ippassaq unnukkut ataatsimiisitsipput, Upernavimmiut 60-it missaanniittut oqallinnermi apeqqarissaarput, Inuit Ataqatigiit allattaat, Manasse Berthelsen, Radioaviisimut oqarpoq.

Naalakkersuisut siulittaasuat Hans Enoksen, innuttaasunik ataatsimiisitsinermi peqataanngilaq, timmisartoq Upernavimmukartussaq angumerisinnaannginnamiuk, taamaammat Siumukkunniit peqataasoqanngilaq.

Politkerit aqagu Uummanniartussaapput, piffissarlu atorniarlugu Kangersuatsiami innuttaasunik namminersorneq pillugu tassa ualeru ataatsimiisitsissapput.