Kangerlussuarmi umiarsualivissamut aqqusinissamullu VVM-imik naliliineq akuerineqartoq
Kangerlussuarmi nutaamik umiarsualiviornissaq qanilleqqippoq, umiarsualivissammi tassungalu aqqusinissap avatangiisinut sunniutissaanik naliliineq, VVM-imik taaneqartartoq, Naalakkersuisunit akuerineqarpoq.
Allattoq Aaqqissuisoqarfik / Redaktionen
novembarip 28-at 2018 06:59
Nutserisoq Simon Uldum
Umiarsualivittaassaq umiarsualivimmit pioreersumit kilometerinik qulinik ungasitsigisumiippoq, tamannalu pissutigalugu mittarfeqarfimmit umiarsualivimmut aqquserniortoqassaaq.
AAMMA ATUARUK Qeqqata Kommuniata talittarfiit mittarfillu piginneqatigiiffiliorlutik tigorusuppai
Naalakkersuisullu VVM-imut nassuiaat tunngavigalugu naliliipput aqquserniornissap umiarsualiviornissallu avatangiisinut sunniutissaat akuerineqarsinnaasut.
Qeqqata Kommunia suliniummi sanaartortitsisuuvoq, VVM-imillu akuersissut kommunimut tuniunneqarpoq.
