Kangerlussuarmi teriannissanik perlerortoqarnera ernumatitsivoq

Teriannissat sisamat perlerortuusut paasineqareersullu Kangerlussuarmi amerlasuut peqqinnisaqarfimmut saaffinneqattaarput.
Fire ud af fem undersøgte ræve i Kangerlussuaq har rabies, oplyser Veterinær- og Fødevaremyndigheden i Grønland. Arkivfoto Assi © : Veterinær-og Fødevaremyndigheden
Allattoq Anders Dall, Else Olsvig
juulip 14-at 2022 13:09

Teriannissat tallimat perlerorsorineqartut nunatsinni uumasunut nakorsaqarfiup inuussutissalerinermullu oqartussaqarfiup misissortimmagit paasineqarpoq taakkunanga sisamat perlerortuusut.

Nunarput tamarmi terianniaqarmat teriannissanik qaninngoortoqartillugu kommunimut piaartumik saaffiginnissutigisaqqullugit oqartussat kaammattuipput.

Qimmit qitsuilluunniit teriannissamit kiitissimappata kommuni imal. uumasut nakorsaqarfiat piaarnerpaamik attavigineqartassapput, kiisalu qimmit qitsuillu perlerornermut akiuussuserneqarnissaat ilanngullugu uumasut nakorsaqarfiannit erseqqissaatigineqarpoq.

-Uumasumit perlerorsorisamit kiitikkaanni, ikip imermik qaqorsaammillu piaartumik asannissaa piaartumillu nakorsiarnissaq pingaaruteqarput, nunatta nakorsaaneqarfiani nakorsaq Paneeraq Noahsen oqarpoq.

Kangerlussuarmi teriannianik perlerortoqarnera nalunaarutigineqareersorlu Kangerlussuarmiut tunillatsissimasinnaanermut ernumallutik Peqqinnissaqarfimmut saaffiginnittarneri ulapputaasut qujanartumilli tunillatsittoqarsimanngitsoq, nakorsaaneqarfimmi nakorsaq Paneeraq Noahsen oqarpoq.

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk