ASSIT Kangerlussuarmi tatsip imia ajunngilaq - tatsilli paarnarsui nerissanngilatit

Kangerlussuup eqqaani taseq paarnarsuarnik toqunartortalippassuaqarpoq, tassanngali imernissaq naviananngilaq, ’tatsilli paarnarsuinik’ nerinnginnissaq, ilisimatuup tatsimik misissuisup mianersoqqussutigaa.

Amerikamiu ilisimatooq, ph.d-imut ilisimatusartoq, Jessica Trout-Haney, KNR-imut e-mailikkut taama allappoq. Jessica arlaleriarluni nunatsinniittarsimavoq, cyanobakteriallu ammalortorsuit toqunartortallit iipilitut angitigisut qanimut misissorsimallugit.

Aamma atuaruk Kangerlussuup eqqaani tatsit tomaatii toqunartut nassaarineqarsimapput

- Inunnut qanoq toqunartoqartiginerisa (toqunartoq mikrocystin) qaffasissusaat annikippoq.

- Erngup tatsimeersup salinneqaqqaartarnissaa pisariaqartuaannaraluartoq, tamanna peqqissutsimut naviananngilaq, tatsilli paarnarsuaanik nerinissaq mianersoqqussutigilluinnarpara, ilisimatooq oqarpoq.

Toqunartoq mikrocystin inuit uumasullu tinguinik ajoqusiisinnaavoq, tatsinilu misissuiffigineqarsimasuni 19-ini toqunartup qaffasissusaa, Naalagaaffiit Peqatigiit Peqqissuseq pillugu suliniaqatigiiffiata  (WHO-p) piumasaqaataanut sanilliullugu annikippoq.

Jessica Trout-Haney, USA-mi illoqarfimmi New Hampshiremi Dartmount Collegemeersoq naapertorlugu, tatsip paarnarsuisa toqunartunik akoqassusiat tatsip ernganut sanilliullugu annertunerujussuuvoq.

- Taakkuninnga annikitsumik nerineq erngertumik peqqissutsimut ajoqusiinavianngilaq, taakkuninngali akulikitsumik nerisaraanni piffissaq ungasinnerusoq eqqarsaatigalugu ajoqusertoqarsinnaalluni. Nalunartut pillugit tatsit paarnarsuisa nerinaveersaareqartariaqartut, Jessica Trout-Haneyp oqaatigaa.

Nittartakkami Ingeniørenimi allaatigineqarsimasoq malillugu, tatsit paarnarsui tuluttut 'sea tomatoes'-mik taaguuteqartinneqaratut allassimammatigit, KNR-imit aallaqqaammut tatsit tomataannik taasimagaluarpagut.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat