Kangerlussuarmi nukappiaqqat paasimasut
Nukappiaqqap 13-inik ukiullip Kangerlussuarmiup, nukappiaqqamit qallunaaqqamit 14-inik ukiulimmit, atuarnerminut atatillugu paasisassarsiorluni angalasumit, saassunneqarnermi kingorna ulussami saarnga napisimanersoq Sisimiunut misissortikkiartoraa, Kangerlussuarmi politiit oqaatigaat. 13-inik ukiullip saassunneqarnermini aamma kigutini ataaseq katappaa.
Qallunaaqqat atuaqatigiit ullumi Danmarkimut angerlarput. 14-inik ukiulik saassussisoq ukiukippallaarnini pissutigalugu unnerluutigineqarsinnaanngilaq, politiilli nalunaarusiorput inunnik isumaginninnermik sulialinnut nassiunneqartumik.
Politiit paasisaat naapertorlugit nukappiaqqat paanerannut cykelit, qallunaaqqat atuaqatigiit attartorsimasaat pissutaapput. Nukappiaraq kalaaleq cykelinik aallarussisimavoq, kingornatigullu assortuunnermi, immaqa oqaatsitigut paaseqatigiissinnaannginneq pissutaalluni, paalersimapput.
