Kangerlussuarmi allakkerivik aserorteriffigineqarpoq
TELE-POST-ip Kangerlussuarmi allaffeqarfia aserorteriffigeqarujussuarsimasoq, TELE-POST nalunaarpoq.
Tillinniarnermut atatillugu pequtit tamaasa aserorterneqarsimapput, soorluttaaq aningaaseriviit ammarterniarneqarsimagaluarlutik; qatserutinillu qapuusanik suna tamaat serpartarneqarsimalluni.
Allattoq Elisa Isaksen
Taamaattumik TELE-POST-ip Kangerlussuarmi allaffeqarfia sapaatip-akunnera naallugu matoqqassaaq, sulisulli pisinnaalerniariarunik allakkanik poortukkanillu immikkoortiteriumaartut, Tele Greenland nalunaaruteqarpoq.
Kangerlussuarmi politiit angut inuusuttoq aserorterinermut atatillugu ualimut killisiorlugu aallartipput, tamannali pillugu aatsaat aqagu oqaaseqarsinnaanerarlutik.