Kangerlussuaq aningaasaliiffigineqarpoq
Danmarkimi Aningaasanut Inatsimmit Danmarkimi Illersornissamut ministereqarfimmit
Kangerlus¬suarmi illorsuaq timmisartunik eqqussisarfik, iluarsaassisarfik allaffeqarfillu 27,7 millioni koruuninik aningaasaliiffigineqarput.
Sisimiut Kommuniata tamanna nuannaarutigeqaa.
Illersornissamut ministerip ukiualuit matuma siornagut sakkutuut timmisartornikkut ingerlatsinerata Islandimut nuunne¬qarsinnaanera eqqaavaa, tassa Danmarkimi Illersornissamut ministereqarfimmi milliardi koruunerpaaluit sipaarutigineqartussanngormata.
- Kangerlussuulli Kalaallit Nunaata Qeqqani inissisimanerata, taamatullu silap allanngujuitsuunera pissutigalugit, Kangerlussuarmiiginnarnissaq aalajangiunneqarsimavoq, Sisimiut borgmesteriat, Hermann Berthelsen, oqarpoq.
Peqatigisaanik Air Greenlandip timmisartunut eqqussisarfitsik iluarsartuuppaa, taamaalilluni Kangerlussuarmi Mittarfeqarfimmi timmisartunut eqqussisarfiit atortorissaarluinnartut sanileriit pigineqalissallutik.
- Kangerlussuarmi pisortaqarfiit suliffeqarfiillu silaannakkut angallannermik ilisimaarinnilluartut aningaasaliissuteqarnerat nuannaarutissaavoq, Hermann Berthelsen naggasiivoq.
