Kangaatsiap nunaqarfiini atuartut atuarsinnaanemik mattunneqarsimagaluartut periarfissinneqarput.
Kaangaatsiami atuartut 061005
Aallaqqaasiut:
Kangaatsiap Kommuneani piorsarsimassutsimut ataatsimmiititaliaq ualimut ataasimiinnermi aalajangiivoq nunaqarfinni atuartut arfineq pingasut 10. 11.klassimilu atuarsinnaanerminnik aningaasassaqannginneq pissutigalugu mattunneqarsimasut Kangaatsiap atuarfiani piffissami qaninnerpaami atualissasut.
Kangaatsiap nunaqarfiini atuartut qulit ukiaq manna 10. 11.klassimi atualertussaasimatussaasimagaluartut aningaasassaqannginneq pissutigalugu mattunneqarsimagaluartut ulluni qaninnerni nalunaarfigineqassapput Kangaatsiap atuarfiani atuarsinnaasut.
Borgmester Otto Jerimiassen oqarpoq piorsarsimasuutsimik ataatsimiititaliaq isumaqatigiillutik ullumikkut ataatsimeereernerup kingorna tamanna aalajangiunneqarsimasoq.
Inuusuttut nunaqarfimmiut Kangaatsiami atuarnerminni illumi ataatsimoorlutik ineqartinneqassapput.
Atuartut arfineq pingasuinnaat inissaqartinneqarallarmata sinneruttut marluk aappaagu atualersinnaanissaat Otto Jerimiassen-ip neriorsuutigaa.
Otto Jerimiassen-ip erseqqissaatigaa una aaqqiigaallarnerusoq, aammalu neriuutigalugu siunissami Kangaatsiap Kommuneani atuartut nunaqarfimmiut inissaqartinneqarnissaannut suliniutit Namminersornerullutik oqartussat peqatigalugit aaqqiivigineqarumaartut.
