Kangaatsiamit Uummannamut oqarasuaatit attaveqaataat kipisaqattaartut
TelePostip nalunaarutigaa Kangaatsiamiit Uummannamut, illoqarfiit nunaqarfiillu akornaniittut ilanngullugit, oqarasuaatit angallattagaanngitsut attaveqaataat kipisaqattaartut.
Allattoq Hagen Højer Christensen
Ilanngullugu erseqqissaassutigineqarpoq oqarasuaatit angallattagaanngitsut taamaallaat pineqarmata. Oqarasuaatit angallattakkat internetilu ajoquteqanngillat.
TelePostip erseqqissaatigaa oqaluussineq kipippat, atuisoq misilillugu sianeqqittariaqassasoq.
Sapaatip akunnerata naanerani teknikerit iluarsaassillutik ulapissasut, TelePostillu neriuutigaa ajoqutaasut iluarsipallassasut.