Kangaatsiami umiatsiat ikinnerpaamik aqqanillit kivipput
Nunatta annersaani anorersuartorsuuvoq, Qaasuitsullu Kommunianit qanittukkut nalunaarutigineqarpoq, Kangaatsiami umiatsiat aqqanillit anorersuarneranik ullumi kivisimasut.
Allattoq Simon Uldum -
decembarip 12-at 2014 13:35
- Kangaatsiami umiatsiat ikinnerpaamik aqqanillit anorersuarnerani kivisimasut, Qaasuitsup Kommunianut nalunaarutigineqarpoq, aalisartullu umiatsiaat eqqugaanerpaasimassut Kangaatsiarmiunit oqaatigineqarluni, Qaasuitsup Kommuniani borgmesteri, Ole Dorph, tusagassiutinut nalunaarummini taama allappoq nangillunilu.
- Qaasuitsup Kommuniata pisoq ilungersunarluinnartutut isigaa. Tamaattumik ilaqutariit inuussutissarsiutiminnik annaasaqartut ikiorserneqarnissaannut tapersersoqatigiinnissamillu Qaasuitsup Kommunia kajumissaaruteqarpoq, Qaasuitsup Kommuniani borgmesteri, Ole Dorph tusagassiutinut nalunaarummini taama naggasiivoq.
