Kangaatsiami Qeqertarsuullu Tunuani marlunngorpat nipisanniartoqalissaaq
Nipisanniarfigineqartussaq aqutsiveqarfik 1 Ba tassaavoq Isortumit Qasigiannguanut, nipisanniarfigineqartussarlu 1a tassaalluni Qasigiannguanit avannamut. Aqutsiveqarfimmut 1Ba-mut nipisat suaat ukioq manna pisassiissutigineqartut 91 tonsiupput, 1a-mi 84 tonsit.
AAMMA ATUARUK Nipisanniarfiit arfineq marlunngortinneqartut
Kitaanut pisaassiissutigineqartut katillutik 1.300 tonsiupput, taakku aqutsiveqarfinni arfineq marluusuni aalisarneqarsinnaapput.
Aqutsiveqarfimmi 1Ba-mi aamma 1a-mi ulloq tunisiffigineqarsinnaasoq kingulleq tassaavoq pingasunngorneq juunip 13-iat, pisassiissutigineqarsimasut nungoreersimanngippata.
Pisassiissutigineqartut nunguppata nalunaarutiginnittoqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput, Aalisarnermut Piniarnermullu Naalakkersuisoqarfik taama ilisimatitsivoq.