Kangaamiuni ikuallaavik nutarterneqarani aserfallappoq
- Ikuallaavik eqqarsaatiginerliugaavallaarpoq, ikummarluppallaarporlu, ikuallaasartoq Hanseeraq Olsen oqarpoq.
Ikuallaavik nunaqarfiup annertussussianut naleqqiullugu mikivallaarpoq, ikuallaavimmi eqqakkat nungullutik ikuallanngitsoornikut ikuallaaviup eqqaanut iginneqartarput, Hanseeraq Olsen oqarpoq. Kangaamiuni eqqakkanut ikuallaaviup pujoorfia filtereqartinneqanngilaq. Avannartillugu eqqakkanut ikuallaavik ikualaanissaq ajornakusuulaartarpoq, ikuallaaviup pujua nunaqarfimmut pujortarmat tippassaallunilu. Avannertillugu tamakkiisuunngikkaluamik ikuallaaneq ingerlanneqartarpoq.
Kangaamiuni eqqakkanut ikuallaavik nunaqarfiup avannaatungaani inissisimavoq, taamaattumillu avannertillugu ikuallaavimmilu ikuallaasoqartillugu nunaqaqarfik tamarmik tippattarpoq.
Ikuallaaviup eqqaani najugallit Aqqalu aamma Angisooq Goliathsen naammagittartaqaat. Ikuallaavik ikuallaatillugu angerlarsimaffimmi silaannarissarnissarluuniit ajornartarpoq, putsup tikka silaannarissarfikkut isaasarami, Aqqalu Goliathsen oqarpoq. Pingaartumik errortanut manisanut uitsattartorujussuugunarpugut Aqqaluk Goliathsen oqarpoq.
Kangaamiuni ikuallaavik avatagiisinut tunngatillugu akuerisaanngilaq.
