Kangaamiuni Atammimmilu tunitsiviit taamaallaat killilimmik ammassapput
Namminersorlutik Oqartussat Royal Greenland A/S-illu decembarip 31-anni kiffartuussinissamut isumaqatigiissuteqaraluartut, tunitsiviit Kangaamiuniittoq Atammimmiittorlu isumaqatigiissummut ilaatinneqanngillat, tunitsiviillu taakku marluk piffissami ataavartumik ammatinneqassanngillat.
Allattoq Bikki P. Kleist
januaarip 02-at 2010 13:23
Tunitsiviit taakku marluk nipisat suaannik tunisinerup nalaani, piffissallu avataani aningaasarsiornikkut imminut napatissinnaanerat aallaavigalugu taamaallaat ammatinneqartassapput.
Tunitsivit Arsummi, Qeqertarsuatsiaani, Ikerasaarsummi, Niaqornaarsummi Kangaatsiamilu kiffartuussinissamut isumaqatigiissusiorneqartut, Royal Greenland nalunaarpoq.
Kiffartuussinissamullu isumaqatigiissut 10 millionit koruunit sinnilaarlugit aningaasartaqartoq 2010 naallugu atuuttussaavoq.
