Kandaharimi qaartartumeerisoqarmat inuit ikinnerpaamik 30-t toqutaapput
Afghanistanip kujataatungaani Kandaharimi qaartartumeerisoqarmat inuit ikinnerpaamik 30-t inuunerannik akeqarpoq.
Allattoq Mads Lynge
Toqutaasut bussertillutik ilaaffigisaat qaarmat issimasui tamakkerlutik ajunaarsimapput. Meeqqat qulit, arnallu arfineq marluk ajunaartunut ilaapput, taama Afghanistanimi nunami pissutsinut naalakkersuisoqarfimmiit nalunaarutigineqarpoq.
Tamaani mumisitsiniat Talebanit qaartartumeerinermi pisuunerarlugit oqartussaasunit nalunaarutigineqarpoq. Mumisitsiniammi akersuunnerminni aqqusernup sinaani qaartussiat nunat tamat sakkutuuliussaanut sakkunnaarivaat.