Kammalaatimi knallertia misileruttorlugu aallaatippoq
Nukappiaqqap arnaa KNR-imit oqaloqatigineqarluni taama oqaluttuarpoq. Inunnguaq Brummersted Nielsen, 17-inik ukioqartoq maannma Odense Universitetshospitalimi maanna uninngavoq, nakorsallu ilungersorlutik inuunera annaanniarsaraat.
Luftgeværip amerlasuua kaliber 5,5-iusoq qarasaata iluaniippoq, qarasaanilu ilorpasimmat nakorsat peernissaa qunugaat. Taarsiullugu aap kuuffissaanik niaqua sullulilerpaat niaquatalu saarngata aserorsimasortai piiarlugit. Nukappiaqqap arnaa, Benedikte Nielsen oqarpoq ilungersunartupilussuusoq nakorsallu aniguisinnaanissaa qularigaat, sapinngisartilli tamaat isumaginiarsarigaat.
- Tupaqqaqaanga. Taamatummi pisoqarsinnaanasorinngikkaluarpara.
Angutip 50-inik ukioqartup knallertip nipiliornera qatsullugu lufgeværiminik aneerasaartarfimmit seqqorsimalluni nassuersimavoq. Taannalu sakkortuumik nakuusersimasutut unnerluutigineqarluni sapaatit akunnerini sisamani tigummigallagassanngortinneqarpoq.
Inunnguaq Brummersted Nielsen maannakkorpiaq nakorsanit ilisimajunnaarsinneqarpoq, arnaali oqaluttuarpoq aallatinnermi kinguninngua qaatusimasimasoq
